Симеон Гошев
Симеон Гошев, 2003, е роден во семејство на музичари и со музиката е во контакт од најраното детството. Неговите први музички настапи се на детски фестивали, каде што пее како солист и во хор. Во 2009г почнува да учи виолина во ДМБУЦ „Илија Николовски-Луј“ во класата на проф. Ана Кондратенко, наскоро потоа започнува да настапува на државни и меѓународни натпревари. Своето образование го продолжил најпрво во класата на проф. Румен Даимитриев, а потоа со проф. Јелена Туфекчиевска. Во октомври 2022 година, тој започнува со студии на Музичката академија во Љубљана во класата на проф. Јанез Подлеска и асист. Ана Должан. Низ годините има освоено награди на многу меѓународни и државни натпревари. Во 2022 година ја добива наградата на „Фондацијата Илија Николовски-Луј“ за високи достигнувања во текот на школувањето. Во 2024 година освојува златна плакета и специјална награда за најдобра изведба на дело од словенечки автор на натпреварот „Темсиг“. Посетувал семинари и мастер класи кај реномирани професори како: Благоја Димчевски, Пачалин Павачи, Никита Борисо-Глебски, Емилио Перцан, Сихана Бадивуку, Вонџи Ким-Озим, Роберт Лакатош, Марко Симовиќ, Владимир Марковиќ, Галина Којчева, Петра Ковачич, Дан Жу,... Има одржано бројни рецитали низ повеќе градови во Македонија, а годинава (2024), одржа рецитал и во Љубљана во склоп на циклусот на Музичката академија „Соло е да камера“. Во престојната сезона 2024/2025 треба да настапи со камерниот оркестар на Словенечка филхармонија. Свирел како солист со оркестарот на Македонската филхармонија, камерниот оркестар „Саша Николовски-Ѓумар, оркестарот на ДМБУЦ „Илија Николовски-Луј“. Член е во квартетот „Лаит“ каде што свири прва виолина. Горд член е и на камерниот оркестар на ЈМ Македонија „Саша Николовски-Ѓумар“, со кој има соработувано на многу проекти, меѓу кои како солист на „Охридско лето“ и „Скопско лето“. Како хонорарен соработник свири во Словенечка филхармонија, Љубљанска опера и балет и Македонска филхармонија. Во 2024 остварува концертна турнеја како дел од оркестарот „No Borders“. Настапувал на фестивалите Охридско лето, Скопско лето, Фестивал Љубљана, Фестивал Равело, академија Ррок класик, Институт „Фејмс“...